Shakespeare mata o porco cunha rosa

Pode parecelo, pero Shakespeare non era dos Peares.

Shakespeare mata o porco cunha rosa, de Ramón Reboiras.

Ladrón de bicicletas

Unha vez roubei a froita

Dos teus beizos

Naquel mítico vran

Dos Santos Afrixidos

No Pazo de Lestrove

E seguir vogando

Na corrente xorda

¡Tamén bate un corazón

no peito dos desafinados!

Tampouco se pode dicir

Que éramos xente do país

Por coñecer a lentitude dos bois

Unha cea fría

Agarda ao fillo pródigo

A palmeira sinala o sol

Fronte á casa do indiano

Fun a vida enteira

Escorregando os morcegos da razón

Coa rama dunha xesta

Nunha tarde de campás

Os pombos a voar

Antes de que acabe o día

O gando recollido

Na corte das marabillas

Detrás da parede da escola

Antes do trebón

A nube pensa

No rapás que xoga

Á estornela